فيديو تريند

فتاة مصرية تلقّن رجلاً تحرش بها في الشارع درساً قاسياً- (فيديو)

عربي تريند_ تصدت فتاة مصرية بكل قوة وشجاعة لرجل تحرش في الشارع، وأوسعته ضربا، كما قالت في مداخلة هاتفية مع برنامج “حضرة المواطن” على قناة “الحدث اليوم”.

وقالت الفتاة “صافي ترك” إنها لقنت المتحرش بها درسا قاسيا، حيث إنها تلعب ملاكمة كهواية وليس احترافا، وكانت تمشي في الشارع، لكن أحد المارة وصف جسمها بطريقة ليست محترمة، بحسب قولها.

وأضافت: “تكلم عن جسمي بطريقة مش محترمة، لفيت له وقلت له بتقول إيه يا (…)، لقيته بيجري، جريت وراه وقعدت أصرخ وأقول حرامي”.

وتابعت: “الناس أول ما سمعوا كلمة حرامي، اتجمعوا عليه وضربوه، وأنا ضربته معاهم، وقعد يحلف، فلما سألوني سرق مني إيه، قلت لهم مسرقش لكن اتحرش بيّ، وده قلته في الآخر خالص، لأني لو قلت كده هيسيبوه وده اللي حصل فعلا”.

وأوضحت: “كسرت له سنتين من أسنانه بالبوكس في وجهه”.

وواصلت: “أنصح كل البنات إنهم ميخافوش لأن المتحرش جبان، هو أجبن شخص موجود على الأرض، لأنه بيبقى خايف وبيبص حواليه يمين وشمال لأنه عارف إن اللي بيعمله غلط، وبقول لكل بنت متخافيش وجيبي حقك بنفسك، لأنك لو استنيتي إن حد يجيبلك حق، محدش هيجيب لك حق، انتي الوحيدة اللي بتدافعي عن نفسك”.

ولقيت “صافي” إشادات واسعة على مواقع التواصل الاجتماعي في مصر، حيث وصفها المغردون بأنها “بطلة” كونها تصدت للمتحرش ولقنته درسا لم ينساه.

جدير بالذكر أن قضية التحرش أثارت ضجة كبيرة في مصر خلال الفترة الأخيرة، خاصة بعد ظهور فيديو التحرش وهتك عرض “طفلة المعادي” منذ عدة أسابيع.

اظهر المزيد

اترك تعليقك

زر الذهاب إلى الأعلى