كندة علوش تنعي أغلى مخلوق لديها وهذا ما طلبته من جمهورها

نعت الفنانة السورية كندة علوش بحالة من الحزن الشديد، وفاة كلبتها، التي كانت تعيش معها منذ سنوات.

ونشرت علوش عبر حسابها على تطبيق “إنستغرام” مجموعة صور لكلبتها، وعلقت عليها قائلة: “امبارح راحت حبيبتي الصغيرة توفي أغلى مخلوق على قلبي بعد أهلي.. رفيقتي وبنتي أكتر حدا بيضحكني وأكتر حدا مخلص وحنون مر بحياتي”.

وأضافت: “طبعاً يلي بعمرن ما ربو كلب ما هيفهموا يلي عّم قولوا وحيعتبروا كلامي مبالغ فيه ويلي ربى كلب حيفهم.. حيفهم شو يعني مخلوق صغير تكون انت كل العالم بالنسبة الو يستناك بالساعات بدون لا أكل ولا شرب”.

وتابعت علوش: “بس تغيب بيطق من الزعل وبس ترجع عالبيت بيعمل حفلة.. بيسمع كلامك وشو ما عملت ما بيزعل منك حب غير مشروط حب من غير مقابل بدون مطالب وبدون احكام وبدون عتب.. مخلوق ما بدو منك شيء غير انك تكون موجود حواليه وتحبه وبيرضى بالقلليل.. ذكي ووفي ومخلص وبيدخل البهجة عالمكان إلي بيكون فيه”.

واختتمت حديثها: “ما بعرف كيف بدّي انساها وصوت خطواتها الصغيرة ورايا طول الوقت مابيفارقني.. 8 سنين ماغابت عني ولا لحظة الله يرحما.. بتمنى ما اقرأ تعليقات سلبية ومسيئة”، الأمر الذي أحدث ضجة كبيرة بين متابعيها الذين حرصوا على نشر تعليقات العزاء ومشاركتها حزنها بسرد بعض تجاربهم المشابهة مع حيواناتهم الأليفة.