طليقة باسم ياخور رنا الحريري تردّ بعد هجوم عنيف ضدها
دافعت الكاتبة السورية رنا الحريري وطليقة النجم باسم ياخور عن نفسها، في وجه انتقادات طالتها عقب نشر محتوى على شبكات التواصل الاجتماعي، يتعلق بالطبخ وتنظيف المنزل.
ونشرت الحريري رسائل هجومية تلقتها في التعليقات، حيث عاب بعض المتابعين نشرها فيديو حول طبخ فتة الحمص، وإزالة الغبار عن الأثاث.
وقالت: “أنا بكتب، وبشتغل، وبطبخ، وبهتم بأعمال البيت، وبتسلّى، وبسافر… أنا إنسانة قبل كل شي، وما بختصر نفسي بصفة أو تعريف معيّن”.
وأضافت: “صفحاتي على السوشال ميديا هي صفحات شخصية، عني وعن حياتي، مو صفحات مهنية عن شغلي أو عقودي أو ارتباطاتي، وما بتذكّر إني بحياتي نشرت سيناريو كتبته مثلًا، وأصلاً، حقوق الملكية الفكرية بتمنعني أنشر أي شي من أعمالي، لأنها بتصير ملك للشركات يلي بتشتريها وبتنتجها”.
وتابعت: “إذا كنتوا عم تكتبولي حرصًا وخوفًا على مستقبلي المهني، أنا بشكركم، وبتمنّى يكون هاد التوضيح كافي لتتطمّنوا”.
وختمت بتوضيح سبب مشاركة رسائل الإنتقادات: “ملاحظة: سمحت لحالي أنشر بعض التعليقات بهالطريقة لأن أصحابها كتبوها بشكل علني على الفيديو الأخير بصفحتي العامة على فيسبوك”.