هند صبري: لا أعمل من أجل المال.. وأنسى مستحقاتي
كشفت النجمة التونسية هند صبري عن أنّها رفضت المشاركة في عدة أعمال العام الماضي بسبب عدم شعورها بالرغبة في العمل.
وقالت هند، خلال حوارها مع الإعلامي محمد قيس في برنامج “عندي سؤال” الذي يُعرض على قناة “المشهد”: “عمري ما أشتغل علشان الفلوس، الحمد لله مش محتاجة، ومبسوطة إني بكسب فلوس كويسة من عملي”.
وأضافت هند: “والله أنا عارفة في ناس ممكن متصدقش، لكن ساعات ببقى ناسية أنا أخدت الدفعة المستحقة أو لأ، اللي بيشتغلوا معايا بيفكروني”.
وأوضحت أن القدرة على الاستغناء تمنحها حرية أكبر في اختيار أعمالها: “الحرية دي بتخليني أرفض حاجات مش عايزة أعملها، أو حتى لو عايزة أعملها بس حاسة إن الوقت مش مناسب وعايزة أرتاح شوية. السنة اللي فاتت اعتذرت عن كذا حاجة لأني ما كانش عندي نفس أشتغل”.
وأشارت هند إلى أنها شعرت بالإرهاق الداخلي نتيجة طبيعة العمل المطوّلة والمشاريع المعقدة، خصوصًا عندما تكون ممثلة ومنتجة في الوقت ذاته، قائلة: “كان مجهود كبير وكنت محروقة داخلياً”.
وتعاقدت هند صبري مؤخرًا على بطولة مسلسل جديد بعنوان “دم على نهد”، المأخوذ عن رواية تحمل نفس الاسم للكاتب إبراهيم عيسى.