كريم فهمي يردّ على متابع هاجمه بسبب رأيه عن مواقع التواصل الاجتماعي

عربي تريند_ نشر الفنان كريم فهمي على “فيسبوك” منشوراً عبر فيه عن رأيه في التأثير السلبي لمواقع التواصل الاجتماعي، ليدخل بعدها في مشادة مع أحد المتابعين هاجم رأيه في مواقع التواصل.

وكتب كريم قائلاً: “لما كله يبقى مكسر الدنيا ونمرة 1، ومصدقين الكدبة، لما الأشكال كلها حلوة بفلاتر ومصدقين الكدبة، لما الكل يبقي بيفهم كل حاجة رياضة، فن، سياسة، ومصدقين الكدبة”.

وتابع: “لما ناس تشتم حد من ورا شاشة، وعاملين نفسهم رجالة، ومصدقين الكدبة لما حاجات كتير أوي يبقى إحنا في حضرة السوشيال ميديا أكبر كدبة”.

وعلق أحد الأشخاص على المنشور، قائلاً: “طب ما تقفل الأكونت بتاعك لولا السوشيال اللي بتقول عليها دي مكنش حد عرفكم”، ليرد عليه كريم قائلاً: “بس يا حبيبي بس يا شاطر، اتفضلوا يا جماعة عينة من تالت نموذج أنا كاتبه”.

ليرد عليه المتابع قائلاً: “إنت اتضايقت عشان بقول كل حاجة فيها الصح والغلط، إنت تنتقد نفسك كده إنت من غير السوشيال مفيش شغل ليك”.

ليرد عليه كريم فهمي مرة أخرى قائلاً: “ليه يابني هو أنا بلوجر؟ أنت بتقول إيه يا حبيبي، أرجوك بس، قول رأيك براحتك بس متقولش أي كلام عندي بعد إذنك”.