ريهام سعيد تشنّ هجوما عنيفا على حسن شاكوش: “أنت غنّيت للخمرة والحشيش”- (فيديو)

عربي تريند_ شنّت الإعلامية المصرية ريهام سعيد، هجوما عنيفا على مغني المهرجانات حسن شاكوش، نتيجة المشكلات التي حدثت بينهما بعدما طالبته بإحياء حفل تخرج أبنائها في الساحل الشمالي.

وظهرت ريهام سعيد في بث مباشر عبر حسابها على فيسبوك، معلنة عن ندمها بسبب الرد على حسن شاكوش.

وقالت إنها تواصلت معه ليحيي حفل تخرج أبنائها في الساحل الشمالي، وأنه طلب منها 30 ألف جنيه واكتشفت بعد فترة أنها تتحدث مع مدير أعماله وليس مع شاكوش شخصياً.

وأوضحت أنها قالت لمدير أعمال شاكوش: “هم 5 دقائق بس يغني بلاي باك ويدوب يحرك شفايفه ويمشي مش مستاهلة 30 ألف جنيه”.

وأضافت ريهام: “مدير أعماله قال مينفعش يغني بلاي باك عشان نقابة الموسيقيين، وحسن شاكوش جه لحد باب القرية السياحية في الساحل ورفض يدخل وكسر بخاطر ولادي اللي بيحبوه وطلبوا يشوفوه”.

وتابعت: “ماتطلعش تتكلم على أعراض ناس، عيب فيه أصول اطلع قول كذابة مابحبهاش، ما تطلعش تقول أنا شفت حاجات، ما ينفعش أجيب سيرتها أو أتكلم عنها، الحاجات إللي شفتها دي أكتر من الحاجات إللي بتشوفها في الأماكن إللي بتغني فيها”.

وأضافت: “أنت ما تحلمش تسلّم على عيالي، لأنهم ناس محترمة جدا”.

واختتمت ريهام سعيد بالقول: “عيب الشهرة تغيّرك، شغلتك زي الدكتور لما تدخل حفلة خاصة أو فرح ما تطلعش تقول شفت إيه، وأنت غنيت للخمرة، والحشيش، وأماكن أنت عارف اسمها، وطالع تتكلم على عيالي إللي تعبت فيهم”.