ممثلة معتزلة تقول إن من ينشر صورها القديمة “ذنبه عند الله”
قالت الممثلة المصرية المعتزلة حلا شيحة إن إعادة نشر صورها ومقاطع من أعمالها الفنية السابقة، ذنب في رقبة ناشريه.
وكتبت شيحا في حساباتها على شبكات التواصل الاجتماعي: “حابة أوضح حاجة بسيطة.. اَي حد بتعمد ينزل لي صورة من أفلامي السابقة على صفحتي لن يستفزني أبدًا بفضل الله والذنب مش أنا اللي حخده ده حيكون كله على الشخص اللي سولت له نفسه الأمر ده.. أنا بخاف من الله وحده الحمد لله قوية جدا بالله وحده”.
وأضافت: “أدعو الله الثبات في كل لحظة في يومي وأنا ذقت الحياة بعيد عن الله.. وبالقرب منه.. ولا اتخيل حياتي أن تعود كالسابق.. والحمد لله أنا بنت ناس طيبين وعائلة طيبة.. ولي في حياتي السابقة بعض الأخطاء لكن أخطاء بنت في سن صغير شيء وارد ولابد منه”.
وتابعت بالقول: “كل انسان يخطئ ولابد أن يخطئ وإلا فكيف يعرف الصواب.. لست نادمة علي شئ مر من حياتي لأن كل ما مضى قادني إلى الله ومحبته والتعلق به.. الدنيا دار اختبار لكل الناس احنا جينا هنا لحكمة عظيمة ولهدف، ولو الانسان مسألش نفسه وحاسب نفسه كل فترة حيعيش كدة وخلاص”.
وختمت: “علشان كدة بقول لأى حد بيحاول يأذينى على الصفحة أو يقول كلام عنى بيحاول بيه يضايقني أقوله متحاولش معايا وصعب تعرف لأن مصدر قوتى وصبرى واستمرارى فى طريقى من الله القوى المتين الجبار العزيز اللى لو كنت تعرف قدره مكنتش حتى فكرت إنك تأذى نفسك، أيوة أنت فعلاً أذيت نفسك أما أنا ففوضتُ أمرى إلى الله والله المستعان على ما تصفون”.