السيسي يكشف عن سبب غضبه خلال افتتاح حقل ظهر (شاهد)

كشف رئيس سلطة الانقلاب العسكري في مصر عبد الفتاح السيسي، عن سبب غضبه خلال افتتاح حقل الغاز المصري “ظهر”، نهاية الشهر الماضي.

وقال السيسي، خلال افتتاحه مركز قيادة شرق القناة لمكافحة الارهاب أمس، : “هما بيقولوا هو غضبان كده ليه، أه طبعا اغضب كده”، مضيفا: “اظن انتوا شفتوا جزء من اللي بيتعمل في مصر، في سيناء، لكن الدولة المصرية كلها في شغل بيتم فيها بالطريقة دي”.

وتابع السيسي: “لما حد يفكر يقرب من اللي إحنا بنعمله، لا منقدرش، لازم اغضب، وتاني بقولها احنا مش هسمح لحد يقرب من مصر تاني ويدخلها في الفوضي والخراب والتدمير تاني”.

ودعا السيسي كل المصريين إلى الغضب قائلا: “عشان كده مش أنا بس اللي اغضب، ده كل المصريين يغضبوا، لما شفتوا حجم العمل اللي بيتم في مصر، لازم نغضب ونخاف ونفزع في حماية اللي بنعمله، وإنتم يا مصريين اللي هتحافظوا على بلدكم، علشان نقول دي بلد بتنهض”.

وكان السيسي، وجه خلال افتتاحه حقل الغاز المصري “حقل ظهر” نهاية يناير الماضي ، رسائل صريحة بالتهديد والوعيد إلى المصريين الذين خرجوا في ثورة 25 يناير من جهة، ومنافسيه أو من يفكر في منافسته من جهة أخرى، قائلا: “الكلام اللي اتعمل من 7 سنين مش هيتكرر تاني في مصر، واللي منجحش ساعتها، هتنجحوه دلوقتي، باين عليكوا متعرفونيش صحيح، لا والله أمنك واستقرارك يا مصر تمنه حياتي أنا وحياة الجيش”.

وتابع السيسي بلهجة غاضبة: “أنا مش سياسي، إحنا مش بنبي البلد بالكلام، الله وحده هو الذي يعلم هذه البلد بيتم بناها إزاي، وأنا هطالب المصريين ينزلوا تاني يدوني تفويض أمام الأشرار أي أشرار، لو الأمر استمر كده وحد فكر يلعب في مصر وأمنها هطلب منكم تفويض تاني لأن هيبقى فيه إجراءات أخرى ضد أي حد يعتقد أنه ممكن يبعث بأمن مصر، أنا مش بخاف إلا من ربنا”.

وأضاف: “قولنا هنعمل أكاديمية تعلم الناس يعني إيه دولة، وماحدش يتصدى لشأن عام وهو مش متعلم كويس”، مضيفًا: “بالمناسبة بقالي 50 سنة بتعلم يعني إيه دولة، قسمًا بالله بقالي 50 سنة بتعلم وبعلم نفسي، حاجة صعبة أوي، الناس ما بتفكرش وعاوزة تتصدر وتتكلم، الكلام ده المفروض ماقولوش أنا”.

وعقب تهديدات السيسي، قال الإعلامي المقرب من سلطات الانقلاب، أحمد موسى، أن تهديدات السيسي التي أطلقها تأتي بعد حصوله علي معلومات أكيدة بوجود خطط واضحة للانقلاب على الدولة.

وقال موسى عبر برنامج “على مسؤوليتي” الذي يقدمه علي فضائية “صدى البلد”: “الرئيس النهارده بيكشر عن أنيابه بجد، فيه دعوات واضحة للانقلاب على الدولة».

وأضاف: “الرئيس لديه حقيقة اللى بيحصل.. الاتصالات اللى جايه من برا والتربيطات اللى جوا.. فيه شغب لإيصال رسالة للخارج ضد الدولة وليس ضد الرئيس لأن الرئيس قال أنا شخص، لكن فيه 100 مليون».

وتابع: “ما جرى الأيام الماضية يتطلب تحقيقات من النيابة العامة لأن فيه دعوات للانقلاب على الدولة.. دعوات واضحة.. محدش فوق القانون.. الأهم من أي شخص الدولة والشعب».

عربي 21