مصر

مصنع مشابك الغسيل يثير سخرية المصريين

أعلن اللواء حمدي عثمان محافظ الإسماعيلية في مصر، عن إقامة وتشغيل مصنع لإنتاج مشابك غسيل خشبية، ومصنع لإنتاج البلاط، ومصنع لإنتاج الكواشف المعملية، التي ستتيح بدورها 31 فرصة عمل لأبناء الإسماعيلية.
وأثار الخبر شهية رواد مواقع التواصل الاجتماعي للسخرية من العقليات التي تدير البلاد، فكتب حساب بورتو طرة: “يعني دلوقتي لما نعمل مصنع مشابك غسيل، هننشر الغسيل نفسه فين اللي هنحط فيه المشابك؟ فين مصنع حبال الغسيل ولا خايفين من أهل الشر؟”.

وسخر مجدي موسى: “سيدات مصر ودِّعن الدموع، أبناء الوطن. ندخل عصرا جديدا.. وصناعة غير مسبوقة نحطم بها كل المقاييس، من جهاز الكفتة لمصنع مشابك الغسيل يا قلبي لا تحزن”. وتساءلت مايسة رضا: “طيب بصوا.. أنا موش بتاعه اقتصاد.. بس ممكن حد يفهمني مصنع بمعداته بموظفين أكيد لهم رواتب، لو كان إنتاجه مشابك غسيل فعلا هايكون ليه عائد اقتصادي؟ ومشابك الغسيل بتكسب يعني؟”.

وعلّق محمد خطاب: “خلاص يا جماعة مشاكل مصر اتحلت، الحكومة توافق على إقامة مصنع لـ«مشابك الغسيل» بالإسماعيلية.. كدة مش ناقصنا غير مصنع حبال الغسيل ونبقى قوة عظمى على مستوى البلكونات في الشرق الأوسط”.

وعن فرص العمل المتاحة، كتب محفوظ عبد الحليم: “الله أكبر.. الله أكبر.. مصنع لإنتاج مشابك الغسيل.. وتوفير فرصة عمل لــ 31 شخصا.. يا إلهي”. وكتبت سميرة إبراهيم: “جارٍ افتتاح المصنع العالمي النووي لإنتاج مشابك الغسيل”.

وعلى الجانب الآخر، ألقى ناشطون الضوء على الجوانب الإيجابية، فكتب ياسر: “مصانع مشابك الغسيل مش مصيبة، لأننا بنستورها وكمان محتاجين مصانع سوست وزراير وكباسين للجواكت والشنط ومسامير لأن كل الصناعات الهايفة دي بتاخد دولاراتنا للصين”.

وهاجمت شيماء الشامي الجريدة فقالت: “هي ٣ مصانع، إشمعنا حاطين مشابك الغسيل في العنوان؟؟؟ عشان تعرفوا إنكم موقع غير مهني، بس عايزين لايكات وهبل، وعارفين إن أكثر الناس مش هايقرأ الخبر، عموما للناس اللي عمالة تتريق صدعتوا دماغنا بالبطالة والبلد مافيهاش شغل، أهو يلا روحوا اشتغلوا ولا الحلوين تخصص نت وقهاوي”.

المصدر
العربي الجديد
اظهر المزيد

اترك تعليقك

زر الذهاب إلى الأعلى